The Poetical Works of Robert Burns/The Banks o' Doon (2)
Jump to navigation
Jump to search
For other versions of this work, see The Banks O' Doon.
VERSION PRINTED IN THE MUSICAL MUSEUM.
Ye flowery banks o' bonie Doon,
How can ye blume sae fair!
How can ye chant, ye little birds,
And I sae fu' o' care.
How can ye blume sae fair!
How can ye chant, ye little birds,
And I sae fu' o' care.
Thou'll break my heart, thou bonie bird,
That sings upon the bough;
Thou minds me o' the happy days,
When my fause luve was true.
That sings upon the bough;
Thou minds me o' the happy days,
When my fause luve was true.
Thou'lt break my heart, thou bonie bird,
That sings beside thy mate,
For sae I sat, and sae I sang,
And wist na o' my fate.
That sings beside thy mate,
For sae I sat, and sae I sang,
And wist na o' my fate.
Aft hae I rov'd by bonie Doon,
To see the woodbine twine,
And ilka bird sang o' its love,
And sae did I o' mine.
To see the woodbine twine,
And ilka bird sang o' its love,
And sae did I o' mine.
Wi' lightsome heart I pu'd a rose,
Frae off its thorny tree;
And my fause luver staw my rose,
But left the thorn wi' me.
Frae off its thorny tree;
And my fause luver staw my rose,
But left the thorn wi' me.