Auld Lang Syne (Burns)
From Wikisource
| Auld Lang Syne by |
| Auld Lang Syne – literaly “old long since” might better be translated as “old long ago”, “times gone by”, or “days gone by”.— Excerpted from Auld Lang Syne (Burns) on Wikipedia, the free encyclopedia. |
|
|
Auld Lang Syne (help | file info or download) |
Should auld acquaintance be forgot,
and never brought to mind ?
Should auld acquaintance be forgot,
and auld lang syne ?
- CHORUS
- For auld lang syne, my dear,
- for auld lang syne,
- we’ll tak a cup o’ kindness yet,
- for auld lang syne.
And surely ye’ll be your pint-stoup !
and surely I’ll be mine !
And we’ll tak a cup o’ kindness yet,
for auld lang syne.
- CHORUS
We twa hae run about the braes,
and pou’d the gowans fine ;
But we’ve wander’d mony a weary fit,
sin’ auld lang syne.
- CHORUS
We twa hae paidl’d in the burn,
frae morning sun till dine ;
But seas between us braid hae roar’d
sin’ auld lang syne.
- CHORUS
And there’s a hand my trusty fiere !
and gies a hand o’ thine !
And we’ll tak a right gude-willie waught,
for auld lang syne.
- CHORUS
 |
This work published before January 1, 1923 is in the public domain worldwide because the author died at least 100 years ago. |
