Gloomy Winter's noo awa
Gloomy winter
Gloomy Winter's noo awa'; soft the westlin breezes blaw.
Among the birks o' Stanley shaw the mavis sings fu' cheerie O.
Sweet the crawflowers early bell decks Glenifer's dewy dell.
Blooming like your bonny sel', my ain my airtless dearie O.
Come my lassie let us stray, o'er Glenkilloch's sunny brae,
And blithely spend the gowden day, midst joys that ne'er wearie O.
Trees may bud and birds may sing. Flowers may bloom and verger spring.
But joy to me they canna bring, unless wi' ye my dearie O.
Towering o'er the Newton woods, Lav'rocks fan the snow white clouds;
Siller soughs wi' downy buds adorn the banks sae brearie O.
Around the silvan fairy nooks, feathery breckans fringe the rocks
Beneath the brae the burnie jouks and ilka thing is cheerie O.
Come my lassie let us stray, o'er Glenkilloch's sunny brae,
And blithely spend the gowden day, midst joys that ne'er wearie O.
Trees may bud and birds may sing. Flowers may bloom and verger spring.
But joy to me they canna bring, unless wi' ye my dearie O.
 |
This work published before January 1, 1923 is in the public domain worldwide because the author died at least 100 years ago. |
