Page:Beowulf (Wyatt).djvu/52

tō þǣm hēah-sele⁠hilde geþinged,
siððan hīe sunnan lēoht⁠gesēon [ne]^[1] meahton,
oþðe nīpende⁠niht ofer ealle,
650scadu-helma gesceapu⁠scrīðan cwōman,
wan under wolcnum.⁠Werod eall ārās;
grētte þā^[2]⁠guma ōþerne,
Hrōðgār Bēowulf,⁠ond him hǣl ābēad,
wīn-ærnes *geweald,⁠ond þæt word ācwæð:Fol. 145a.
655“Nǣfre ic ǣnegum men⁠ǣr ālȳfde,
siþðan ic hond ond rond⁠hebban mihte,
ðrȳþ-ærn Dena⁠būton þē nū ðā.
Hafa nū ond geheald⁠hūsa sēlest,
gemyne mǣrþo,⁠mægen-ellen cȳð,
660waca wið wrāþum.⁠Ne bið þē wilna gād,
gif þū þæt ellen-weorc⁠aldre gedīgest.”

X.

Ða him Hrōðgār gewāt⁠mid his hæleþa gedryht,
eodur Scyldinga,⁠ūt of healle;
wolde wīg-fruma⁠Wealhþēo sēcan,
665cwēn tō gebeddan.⁠Hæfde kyning[a]^[3] wuldor
Grendle tō-gēanes,⁠swā guman gefrungon,

1. 648. Thorpe’s simple emendation, ‘[ne],’ is now generally adopted. Bugge proposed, in addition, to regard oþðe (l. 649) as equivalent to ond, as in l. 2475, and the suggestion is adopted by Heyne. Earle defends the usual meaning or: “There is something of alternative between twilight and the dead of night.”
2. 652. Grein-Wülcker complete the first half line by ‘[glædmōd],’ Heyne by ‘[giddum].’
3. 665. MS. ‘kyning,’ at end of line; there is room for an a, but no trace of one.