Page:Thirty-five years of Luther research.djvu/215

From Wikisource
Jump to navigation Jump to search
This page has been proofread, but needs to be validated.
Foot Notes
149

del gestellet, nedder vor dat altar, und beden hemelick bi sick. De averst de nagolgende collecta schall lesen, schall sick up de knee setten baven vor dat altar und ock beden. Darsumme motme in der karken, dar sulkes gescheen schal, eine halve stunde tidiger luden to der missen, dat de pastores konnen wedder tidich kamen to eren predickstolen, dar se ock scholen gemene bet don na de sermone vor den ordinatum.....

So balde nu dat haleluia ute is mit der repeticie, staen alle predicanten up und leggen dem sittenden ordinando de hende upt hovet, de averst baven vor dat altar sat, schall vor sinem angesichte staen, gekeret na dem volke, leggen ock sine hende mit den anderen up, und lesen dusse collecta edder gebet.

Lat uns bidden. Almechtige ewige vader, de du hafft dorch unsen einigen mester Jesum Christum alse geleret, de arne is vele, averst weinich sint der arbeiders, darumme biddet den heren der anre, dat he arbeiders in sine arne sende, welcke worde uns vormanen. gude arbeidere, dat sint predikere, van diner gnade mit ernstlickem bede to vordere. Wi bidden dine gruntlose barmherticheit, dattu machst gnedich upseent up dussen dinen knecht, unsen erweleden prediker, dat he vlitick si mit dinem worde, Christum Jesum unse einige salicheit to predekende, de conscientie to underrichtende und to trostende, to strafende, to bedrouwende, to vormanende mit aller lanchmodicheit und lere, dat jo dat hillige evangelium reine ane todont minschliker lere stede bi uns blive und frucht bringe der ewigen salicheit mank uns alien, dorch den sulvigen Jesum Christum unsen heren. Respondetur amen.

Dar up singet dat volk: Nu bidde wi den hilligen geest etc. und de pastores vallen up de knee und bevelen gade dorch Christum dusse sake. Balde averst staen se up under dem sange, und gaen erlick ut de karken, ein juwelick na sinem predickstole. Na dem sange prediket me etc.

Sunderger kleder edder pracht dorve wi nicht to dusser sake, sunder allene, wo me seen mach, steit dusse vorgescrevene anneminge up dussen twen nothliken stucken. Dat erste, dat wi de sake gade mit unsem bede bevelen. Dat ander, dat de gemene see und erkenne den, de tom predikampte und seelsorger erwelet is, dat se ene dar vor holde. Also gelt dusse vorordeninge vor gade und vor den luden tor salicheit.