The Merry Muses of Caledonia/The Lassie Gath'ring Nits

From Wikisource
Jump to: navigation, search
The Merry Muses of Caledonia by Robert Burns
The Lassie Gath'ring Nits

THE LASSIE GATH'RING NITS.

Tune"O the broom."

An old song.

 
There was a lass, and a bonie lass,
 A gath'ring nits did gang;
She pu'd them heigh, she pu'd them laigh,
 She pu'd them whare they hang.
 
Till tir'd at length, she laid her down,
 An' sleept the wood amang;
When by there cam three lusty lads,
 Three lusty lads an' strang.
 
The first did kiss her rosy lips,
 He thought it was nae wrang;
The second lous'd her bodice fair,
 Fac'd up wi' London whang.
 
An' what the third did to the lass,
 Is no' put in this sang;
But the lassie wauken'd in a fright,
 An' says, I hae sleepit lang.