The Merry Muses of Caledonia/Wha'll Mow Me Now ?

From Wikisource
Jump to: navigation, search
The Merry Muses of Caledonia by Robert Burns
Wha'll Mow Me Now ?

WHA'LL MOW ME NOW?

Tune—"Coming through the Rye."

An old song.

O wha'll mow me now, my jo.
 And wha'll mow me now,
A sodger with his bandileers
 Has bang'd my belly fou.

O I hae tint my rosy cheek,
 Likewise my waist sae sma',
O wae gae wi' the sodger loon,
 The sodger did it a'.

And wha'll, &c.


For I maun thole the scornfu' sneer,
 O mony a saucy queen.
When, curse upon her godly face,
 Her c——'s as merry's mine.

And wha'll, &c.


Our dame holds up her wanton tail,
 As oft as she down lies,
And yet misca's a young thing,
 The trade if she but tries.

And wha'll, &c.


Our dame has aye her ain gudeman,
 And f——s for glutton greed,
And yet misca's a poor thing,
 That f——s for its bread.

And wha'll, &c.


Alack! sae sweet a tree as love,
 Sae bitter fruit should bear,
Alas! that e'er a merry c—t,
 Should draw so mony a tear.

And wha'll, &c.


But devil tak' the lousy loon,
 Denies the bairn he got,
Or leaves the merry lass he lo'ed,
 To wear a ragged coat.

And wha'll, &c.