User:Gott wisst/1 Hēafodƿeard

From Wikisource
Jump to: navigation, search
User:Gott wisst by Charles Dickens
1 Hēafodƿeard


Ƿord be þǣre Stōƿe þǣr Olifer Tƿist Ȝeboren Ƿæs and þāra Endebyrdnessa on His Ȝebyrde

Onȝemanȝ ōðerra folclīcena bolda on sumre byriȝ, þā for maniȝum þinȝum nille ic hātan, and tō þǣm ic nille ȝifan lēasne naman, þǣr is ān ȝēaro ȝemǣne þǣm mǣstan dǣle oþþe ȝrēatra oþþe lȳelra tūna: þæt is, ƿeorchūs; and on þissum ƿeorchūse ƿearþ ȝeboren, on dæȝe and tælmearce þe ic ne sēce tō secȝenne, for þȳ hit ne cann ƿesan hefiȝ þǣm rǣdende, lǣstum hēr nū on þissum spelle; þæt ƿiht dēaðes þæs nama is ȝeseted on þǣm hēafodcƿide.

Lanȝne tīman æfter hit ƿæs on þās ƿorulde sorȝe and aȝlǣces, fram þǣm folclīcum lǣce, hit abād þinȝ ȝrēates tƿēos hƿæðere þæt cild ƿolde lifiȝan tō hæbbenne ǣniȝne naman tō āƿihte; ȝif sƿā ȝelumpe, hit ƿǣre ȝelīcre þæt þās ȝemynda nā scolded tōcuman; oþþe ȝif hīe sƿā ȝedōn hæfden, hīe scolden standan on fēaƿum trametum, and þæs hæbben þæt uncnāƿendlīce ƿeorþ tō ƿesenne þæt scortoste and sōðoste spelle līfes on eallum þǣm spellum ǣniȝre ielde oþþe ǣnȝes landes.

Þēah þe ic nille secȝan þæt tō ƿesenne ȝeboren on ƿeorchūse is self þæt betste and lustbǣroste ȝelimpe þe cūðe ā belimpan menn, ic ƿille secȝan þæt hēr on þissum ȝelimpe ƿæs hit þæt betste þinȝ þe cūðe ȝelimpan Olifere Tƿiste. Sōþlīce, þǣr ƿæs ȝrēat earfoþ mid Olifere tō fōnne þone cræft tō ēðenne, - earfoþ ƿeorc, ac ān þe on ūrum ēaðan līfe nȳdȝeƿuna ȝedōn is; and lanȝe tīde læȝ hē sƿorettende on ƿōlnum bolstere, þearle unefne ȝehealden betƿeox þissum līfe and þǣm nīehstan līfe: þæt andefen ƿæs ȝeseted ful tō þǣm æfterran. Nū ȝif under þissum scortan tīman ƿǣre Olifer beȝān fram cearfullum ealdormōdrum, nearƿum mōddriȝum, cræftiȝum cildfostrum, and lǣcum mid dēopum ƿīsdōme, hē ƿolde ȝeƿisslīcost and untƿēolīcost sƿīðe hrāðe ȝecƿeled ƿesan. Ac þǣr næs nǣniȝ nēah būton ȝamolum, earmum ƿīfe, þe ƿæs ȝedōn þearle dysiȝ fram unnȳdmicelum lēafe bēores; and folclīc lǣce þe dyde sƿelc þinȝ æfter fōreƿearde; Olifer and Dēaþ ƿunnon ymb līf betƿeox him. Þisses ƿæstm ƿæs þæt, æfter sumum ƿinnum, Olifer ēðde, fnās, and forþēode tō cȳðenne þǣm mannum þæs ƿeorchūses þæt nīƿe ƿeorc ƿæs ȝeseted on þā prēostscīre, þurh sƿā ȝrēate ȝiellunȝe sƿā þǣre mann cūðe ƿel abīdan fram ƿerlīcum cilde þe næfde þone nyttan tōl þǣre stefna lenȝer þonne þrēo stundinclu.