Kom heyliger geyst herre Gott

[36]

Der gesang Veni sancte spiritus.

Kom heyliger geyst herre Gott
erful mit deyner gnaden gutt
deyner gleubgen hertz mut vnnd synn /
deyn brunstig lieb entzund yn yhn

5

[37]

O herr durch deynes liechtes glast /

zu dem glauben versamlet hast /
das volck auß aller wellt zungen /
das sey dyr her zu lob gesungen /
Alleluia. Alleluia.

10

Du heiliges liecht edler hort /

laß vns leuchten des lebens wort.
Vnd lern vns Gott recht erkennen /
vonn hertzen vatter yhn nennen.
O herr behut vor frembder leer /

15

das wir nicht meister suchen meer.

Denn Jhesum mit rechten glawben /
vnd yhm aus gantzer macht vertrawen.
Alleluia Alleluia.

Du heylige brunst susser trost /

20

nu hylff vns frölich vnd getrost.

In deym dienst bestendig bleyben /
die trubsall vnns nicht abtreiben.
O herr durch dein krafft vns bereyt /
vnd sterck des fleisches blodigkeyt.

25

Das wir hie ritterlich ringen /

durch tod vnd leben zu dir dryngen.
Alleluia Alleluia