Bessy Bell & Mary Gray (1)/Cauld Kail in Aberdeen

---

CAULD KAIL IN ABERDEEN.

There's cauld Kail in Aberdeen,
⁠And castocks in Strabogie,
Whar ilka lad (illegible text) hae his lass,
⁠But I maun hae my cogie.
For I maun hae my cogie troth,
⁠I canna wa(illegible text) my cogie;
I wadna' gie m(illegible text)ree gird cog,
⁠For a' the w(illegible text) Bogie.

Johnny Smith has got a wife,
⁠Wha scrimps him o' his cogie:
But were she mine, upon my life
⁠I'd duck her in a bogie.
⁠For I maun hae, &c.

Twa or three todlin weans they hae,
⁠The pride o’ a’ Strabogie;
Whene‘er the tottums cry for meat,
⁠She curses ay his cogie.
Crying, wae betide the three gird cog,
⁠Oh wae betide the cogie;
It does mair skaith than a’ the ills
⁠That happen in Strabogie.

She fand him ance at Willie Sharp's,
⁠And what they maist did laugh at,
She brak the bicker, spilt the drink.
⁠And tightly gouff’d his haffet.
⁠Crying, wae betide, &c.

Yet here's to ilka honest soul,
⁠Wha‘ll drink wi‘ me a cogie;
And for ilk silly whinging fool,
⁠We'll duck him in a bogie.
For I maun hae my three-gird cog,
⁠I canna want my cogie;
I wadna gie my three-gird cog
⁠For a‘ the wives in Bogie.