Five popular songs (1)/Fain Would I Be Young Johnnie's Bride

From Wikisource
Jump to navigation Jump to search
Five popular songs (1)  (between 1815 and 1825) 
Fain Would I Be Young Johnnie's Bride


I like to gang by Candran side;
For Johnie meets me there.
Fain would I be young Johnie's bride;
This wish is a' my care;
But that I darena tell the lad—
He would think me owre fain;
For mither frets and daddie threats,
If I but name't to them.

When e'er I cross the door at e'en,
There's fifty things to do;
The ewes to bught, the pails to clean,
The ale to warm or brew.
A' wark is mine since Johnie came;
And sneer'd at ilka turn;
Sare sare I mane, yet a' in vain,
They're happiest when I mourn.

Yestreen he pass'd at trystin' time;
Then out to him I flew;
He tauld me that his heart was mine;
And I'm sure 'tis true.
Sae I'll be true to ilka vow,
Let mither flyte or fliug:
In Johnie's ha' ere Beltan blaw,
I'll wear the bridal ring.

This work was published before January 1, 1928, and is in the public domain worldwide because the author died at least 100 years ago.

Public domainPublic domainfalsefalse