Folk Tales and Fairy Lore/Sìthichean Choire-Chaorachain, The Fairies of Corrie Chaorachain
O chionn iomad bliadhna bha Domhnull Posda a' giùlan nan litrichean eadar Baile-chaolais agus an Gearasdan. Bha cuid de 'n rathad a bh' aige r'a iomachd gu math uaigneach agus ùigeil, agus bha 'n t-ainm aige bhi làn shìthichean agus bhòcain eile.
Many years ago Donald Post carried letters between Ballachulish and Fort-William. A part of the road he had to travel was pretty lonely and uncanny, and it had the name of being full of fairies and other bogles.
Air oidhche Shamhna bha Domhnull, an déidh dha 'ghnothuch fhaotainn seachad, a' pilleadh air ais do Choire-Chaorachain far an robh e 'fuireachd. Greis mhath mu'n d' ràinig e 'n tigh, gu de chunnaic e roimhe ach dà shìthiche dheug, a' dannsadh agus a' leum a null agus a nall thar an rathaid. Cho luath 's a thug iad an aire dha 'tighinn, ghlaodh fear caol, ruadh dhiubh: "Bheir sinn leinn Domhnull Posda." Ach bha fear eile dhiubh, gille gasda, a fhreagair: "Cha tabhair sinn leinn Domhnull Posda, oir 's e Posda bochd a' bhaile againn fhéin a th' ann." An sin thuit dha sealltainn suas am bruthach os a cheann, agus ciod a chunnaic e air an àilean ghorm air a' mhullach, ach buidheann mhór shìthichean, ag cuibhleadh agus a' dannsadh mar na fir-chlise. Chunnaic a' bhuidheann a bh' air an rathad mhór iad cuideachd, agus ghrad ghlaodh fear aca: "Bithidh sinn a' falbh as a so," agus ann am priobadh na sùla, bha iad air mullach a' bhruthaich leis a' bhuidheann eile.
On a Hallow-e'en, Donald, after getting his business over, was returning to Corrie Chaorachain where he was staying. A good while before he reached the house, what did he see before him but a dozen fairies dancing and leaping hither and thither across the road. As soon as they noticed him coming, one of them, a slender, red-haired fairy, cried: "We will take Donald Post with us." But another, a fine fellow, replied: "We will not take Donald Post with us, for he is the poor post of our own farm." Donald then happened to look up the hill above him, and what did he behold on the green plain on the summit but a large troop of fairies wheeling and dancing like the merry-dancers. The troop on the high road also noticed them, and instantly one of them cried: "Let us leave this," and in the twinkling of an eye they were on the summit of the hill with the other troop.
Cha d'fheith Domhnull a dh'fhaicinn crìoch na cluiche, ach chum e air a cheum, agus fhuair e dhachaidh gu tèaruinte. An déidh na h-oidhche sin cha'n fhaca e iad tuilleadh: ach bhitheadh e, air oidhchean àraidh de'n bhliadhna, ag cluinntinn monmhur am bruidhne 'san àite 'sam faca e iad roimhe.
Donald did not wait to see the end of the merrymaking, but kept on his way and got home in safety. After that night he never saw the fairies; but on certain evenings of the year he used to hear the murmur of their voices in the place where he had once beheld them.