Four excellent songs (1)/The piper o' Dundee

THE PIPER O' DUNDEE.

The piper came to our town,
To our town, to our town,
The piper came to our town,
⁠And he play'd bonnilie.
He play'd a spring the laird to please,
A spring brent new frae yont the seas;
And then he gae his bags a wheeze,
⁠And play'd anither key.

And wasna he a roguy,
A roguy, a roguy,
And wasna he a roguy,
⁠The piper o' Dundee?
He play'd “The welcome o'er the Main,”
And “Ye’se he fu’ and I’se he fain,”
And “Auld Stuarts back again,”
⁠Wi’ muckle mirth and glee.

And wasna, &c.
He play'd “The Kirk"” he play'd “The Queer,”
“The Mullin dhu,” and “Chevalier,”
And “Lang away, but welcome here,”
⁠Sae sweet, sae bonnilie.

And wasna, &c.
It’s some gat swords, and some gat nane,
And some were dancing mad their lane,
And mony a vow o’ weir was taen
⁠That night at Amulrie.

And wasna, &c.
There was Tullibardine and Burleigh,
And Struan, Keith and Ogilvie,
And brave Caraegie, wha but he,
⁠The piper o’ Dundee?

F I N I S.