Hawthorn (1817)/Calder Fair

SCOTS MEDLEY.

⟨As⟩ I came in by Calder fair,
⁠and yont the Lappard Lee, man,
There was braw kissing there;
⁠Come butt and kiss wi’ me, man;
There was Highland folk and Lawland folk,
⁠Unco folk and kend folk,
Folk aboon folk I the yard;
⁠there’s nae folk like our ain folk.
⁠Dirum dum, &c

Hech, hey! Bessy Bell,
⁠kilt your coat, Maggy,
Ye’s get a new gown,
⁠down the burn Davie.
The Earl o’ Mar's bonny thing,
⁠and muckle bookit wallet,
Play the same tune over again,
⁠and down the burn fora’ that.
⁠Dirum dum, &c

Gin ye had been whare I had been,
⁠ye wadna been sae wantin;
I gat the lang girdin o’t,
⁠an’ I fell thro’ the gantrin.
O’er the hills and far awa',
⁠my bonny winsome Willie;
What shall our gudeman lie?
⁠the gleed Earl o’ Kellie
⁠Dirum dum, &c

Toddle butt, and toddle ben,
⁠hey, Tam Brandy;
Crack a louse on Maggy’s wyme,
⁠Little Cockey Bendy;
There’s three sheeps skins’
⁠the barber and his bason;
The bonny lass o’ Patie‘s mill,
⁠wi the free and accepted mason.
⁠Dirum dum, &c

On Ettrick banks, ae summer’s night,
⁠the cliffy rocks in view, man,
Kath'rine Ogie gat a fright,
⁠’Mang Scotland’s bells sae blue, man
O waly, waly, up yon wood,
⁠and down by bonny Yarrow,
The lassie lost her silken snood
⁠wi’ Will her winsome marrow,
⁠Dirum dum, &c

Stately stapt he east the wa’,
⁠the lad I darena name, man;
Geordie reigns in Charlie’s ha’;
⁠send Lewie Gordon hame, man
In winter when the rain rain’d cauld,
⁠Will brew’d a peck o’ maut, man;
John Anderson, ye’re turning auld,
⁠pit a sheep's-head i' the pat, man
⁠Dirum dum, &c

The tailor cam to clout the claise
⁠upon a Lammas night, man,
Which caus’d the battle o‘ the fleas,
⁠and shew’d McCraw’s great might, man,
⟨Jo⟩hn Tamson at the key hole keeks,
⁠my wife's a wanton pawkey,
⟨Sh⟩e's clouting Johnny's grey breeks
⁠and Bess she's but a gawkie.
⁠Dirum dum &c

⟨In⟩ Fife there liv’d a wicked wife,
⁠and she has ta’en the gee,man;
⟨The⟩ door-barring caus’d the strife,
⁠and Sandy o’er the Lee, man
⟨Ta⟩rry woo frae Tweedside came,
⁠frae Aberdeen, cauld kail man
⟨M⟩ade gude Scotch brose to fill our wame,
⁠could Donald McDonald fail, man
⁠Dirum dum, &c

⟨Sh⟩ould auld acquaintance be forgot,
⁠sae merry’s we have been, man;
⟨Y⟩et still on Menie's charms I doat,
⁠at Polwart on the green, man
⟨W⟩illie was a wanton wag,
⁠and push d about the Jorum,
⟨W⟩hile Rab the Ranter burst his bag
⁠playing the Reel o‘ Tullochgorum.
⁠Dirum dum, &c.

---