Herrin in sa't/Herrin in sa't

HERRING IN SALT.

My daddy is dead an' left me some an'
⁠lass gin ye loe me tell me tue:
An aft times I maun gang to the barn,
⁠and I canna win ilka any to woo.

I hae corn will soon be made meal,
⁠lass gin ye loe me tell me now,
An’ I hae barley to mak some kail,
⁠an' I canna come ilka day to woo.

I hae laid three herring in sa't,
⁠lass gin ye loe me tell me now,
I hae brewn a forpet o' ma’t,
⁠and I canna win ilka day to woo.

I hae a calf will soon be a cow,
⁠lass gin ye loe me tell me now,
I hae a pig will soon be a sow,
⁠and I canna come ony mair to woo.

I hae a house on yonder muir,
⁠lass gin ye loe me tell me now;
Three sparrows may dance upo' the floor,
⁠and I canna come ony mair to woo.

I hae a mare that is coal-black,
⁠lass gin ye loe me tell me now;
I ride on her neck to save her back,
⁠and I canna come ilka day to woo.

I hae a cock that craws fou crouse,
⁠lass gin ye loe me tell me now;
I hae a cat that will catch a mouse,
⁠and I canna come ony mair to woo.

I hae a hen wi' a happity leg,
⁠lass gin ye loe me tell me now,
Which ilka day lays me an egg,
⁠and I canna come ony mair to woo.

I hae a kebbuck upon the shelf,
⁠lass gin ye loe me tell me now,
I downa eat it a' myself,
⁠an I canna come ony mair to woo.

---