Jenny lass, my bonny bird/Jenny lass, my bonny bird

JENNY LASS, My BONNY BIRD.

JENNY lass, my bonny bird.
⁠my father's dead, and a that,
And snugly hid aneath the yird,
⁠An' I'm his heir, an' a' that,
⁠I'm now a laird, an' a' that,
⁠I'm now a laird, an' a' that,
⁠I've gear an' lan' at my comman'
⁠an' muckle mair than a' that.

He left me, wi' his diein' breath,
⁠a ⟨dwelling⟩ house an a' that;
Guid byars an' birns an' wabs o' claith,
⁠a guid peat stack an a' that;
⁠A mare, a foal an' a' that;
⁠A mare, a foal an' a' that;
⁠Sax guid milk ky, a ca f forby;
⁠twa guid pet ewes an' a' that.

A yard, a meadow long braid lees;
⁠wi' stacks o corn an a' that'
They're weel hedg'd roun wi thorn an' trees,
⁠an' carts' an cars an' a' that;
⁠A plou' an' g ith an a' that;
⁠A plou' an' graith an' a' that;
⁠Good harrow twa, cock, hens an a',
⁠A grizie too, an' a' that.

I've walth o'claiths for ilka-days,
⁠for Sundays too, an' a' that;
I ve bills an' ban's on lairds an' lan's
⁠an' filler, g ud, an' a that;
⁠An' muckle mair than a' that.
⁠An' muckle mair than a' that;
⁠What want I now my bonny dow,
⁠but just a wife to a' that ?

Now, Jenny dear my errand here.
⁠is to seek you to a that;
My heart's a lowpin' whan I speer
⁠gin ye'll tak me wi a' that?
⁠Mysel's my gear' an' a' that:
⁠Mysel' my gear, an' a' that:
⁠Come, gi'e's your loof to be a proof
⁠That ye ll tak me wi' a' that.

Syne Jenny lad her nive in his;
⁠said she'd tak him wi' a' that:
An' he gae her a hearty kiss,
⁠an' dauted her, an a' that:
⁠They set the day an a' that.
⁠They set the day an' a' that,
⁠When she'd come hame to be his dame,
⁠an ha'e a rant wi' a' that.