Love songs/How sweetly smells the simmer green
How sweetly smells the simmer green.
HOW sweetly smells the simmer green!
Sweet tastes the peach and cherry;
Pai(illegible text)ng and order please our een,
And claret makes us merry.
Bet finer coulers, fruits, and flowers,
And wine, tho' I be thirsty,
Lose a' their charms and weaker powers,
Compar'd with those of Christy.
When wandring o'er the flowery park,
Of natural beauty wanting,
How lightsome is't to hear the lark,
And birds in concert chanting!
But if my Chrysty tunes her voice,
I'm rapt in admiration;
My thoughts with ecstasies rejoice,
And drap the haill creation.
Whene'er she smiles a kindly glance,
I take the happy omen,
And after mint to make advance,
Hoping she'll prove a woman,
But dubious of my ain desert;
My sentiments I smother;
With secret sighs I vex my heart,
For fear she loves another.
Thus sang blate Edie by a burn,
His Christy did o'er-hear him;
She doughtna let her lover mourn;
But e'er he wist drew near him;
She spake her favour with a look,
Which left nae room to doubt her;
He wisely this white minnte took.
And flang his arms about her.
My Christy!———witness, bonny stream,
Sic joy frae tears arising;
I wish this may na be a dream;
O love the maist surprising!
Time was too precious now for talk;
This point of a' our wishes,
He wadna with set speeches bauk,
But war'd it a' on kisses,