Mary's Dream (1812)/Loudon's bonny Woods and Braes
Loudon’s bonny Woods and Braes.
Loudon’s bonny woods and braes,
I maun lea’e them a’, lassie;
Wha can thole, when Britain’s faes
Would gi’e Britons law, lassie?
Wha would shun the field of danger?
Wha frae Fame would live a stranger?
Now when Freedom bids avenge her,
Wha would shun her ca’, lassie?
Loudon’s bonny woods and braes
Hae seen our happy bridal days,
And gentle Hope shall soothe thy waes,
When I am far awa’, lasssie.
Hark! the sweiling bugle sings?
That gi’es joy to thee, laddie;
But the dolfu’ bugle brings
Waefu’ thoughts to me, laddie;
Lanely I may climb the moantain,
Lanely stray beside the fountain,
Still the weary moments counting,
Far frae Love and thee, laddie.
O’er the gory fields of war,
When Vengeance drives his crimson car,
Thou’lt maybe fa’ frae me afar,
And nane to close thy e’e, laddie.
O resume thy wonted smile,
O suppress thy fear, lassie;
Glorious honour crowns the toll,
That the soldier shares, lassie:
Heav’n will shield thy faithfu’ lover
Till the vengeful strife is over,
Then we’ll meet, nae mair to sever
Till the day we die, lassie:
Midst our bonny woods and braes,
We’ll spend our peaceful happy days,
As blythe’s yon lightsome lamb, that plays
On Loudon’s flow’ry lea, lassie.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse