Page:Welsh Medieval Law.djvu/143

aeth yny erbyn. adywedut val hyn. Myn  V fo 19 a
duỽ ygỽꝛ am creỽyſı yn tat ıttı. athıtheu
yn vab ímí. gỽır adywedafı yrochwı. Bꝛaỽ=
dỽꝛ am y varnỽys gynt oꝛ byd y deu dyn y
barnỽyt udunt yn amryſſon am y varn. ạ  5
Mach am y vechnıaeth ot adef ran agỽadu
ran arall. Effeırat rỽg y deu dyn plỽyf o tyſ-
tolyaeth atyſter ıdaỽ. Moꝛỽyn am y moꝛỽyn-
daỽt. os ygỽꝛ y rother ıdaỽ adyweıt nat oed
voꝛỽyn hı yr dỽyn yıaỽn a e dylyet. Neu oꝛ  10
treıſſır ar gỽꝛ ae treıſſo yndywedut nat oed
uoꝛỽyn hı. credadỽy yỽ tyſtolyaeth y uoꝛỽyn
yny erbyn. Bugeıl trefgoꝛd am y uugeıly-
aeth oꝛ llad llỽdyn y llall. LLeıdyr dıobeıth
am ygytleıdyr pan dyccer yr groc. kanys  15
credadỽy uyd yeır ar y getymdeıthon ac am
yda adycco. heb greır. ac ny dỵlỵır dıuetha
y getymdeıth yr yeır ef namyn y uot ynlleı-
dyr gỽerth. Credadỽy heuyt uyd amotỽꝛ
yny amot. ac uelly heuyt. credadỽy uyd ma  20
nac gỽꝛ a wnel dogyn vanac. a Rodaỽdyr a
gredır ar y da arotho. ac yna y dywedır. nyt
oes rod onyt o vod
laỽ dyn ae troet ae tyg lygat ae weus ae
gluſt gan gollı yglybot ae trỽyn:  25