2. And lo! a leper cam and worshipp't him, and said, "Lord! gin ye wad, ye coud mak me clean!"
3. And Jesus pat oot his haun, and touched him, sayin, "I wull, be ye clean!" And at aince his leprosie was healed.
4. And Jesus chairged him, "See that ye tell nane; but gang yere ways till the priest, and gie ye the gift commandit by Moses, for a token to them!"
5. And whan Jesus cam intil Capernaum, thar cam till him a Captain, and besocht him,
6. Sayin, "Lord! my servant-lad is doon wi' a stroke, in my hoose, in unco pain!"
7. Quo' Jesus till him, "I wull come and heal him!"
8. And the Captain answer't, "Lord! I am-na fit ye soud come nneath my roof; but only say the word, and my servant-lad sal be weel!
9. "For e'en I my sel, [1]1a man aneath anthoritie, hae sodgers under me; and I say till ane 'Gang,' and he gangs; and till another 'Come,' and he comes; and till my servant-lad, 'Do see and see,' and be dis it!"
10. Hearin this, Jesus ferlied; and said to them that follow’t, "I haena fund sic faith as this, no in a' Isra'l!
11. "And I say t'ye, Mony sal come frae the East and free the Wast, and sit doon wi' Abra'm, and Isaac, and Jaucoh, i'the Kingdom o' Heeven,
12. "But the sons o' the kingdom sal be cuisten oot intil the mirk oot-by: thar sal be greetin and cherkin o' teeth!"
13. And Jesus said to the Captain, "Gang yere ways! E'en as ye lip-pened, sae sal it be dune t'ye." And is servant-lad was made weel i' that same 'oor.
14. And Jesus, enterin Peter’s hoose, saw his gude-mither lyin, doon wi' a fivver.
15. And he touched her haun, and the fivver was gane. And she raise, and waitit on him.
16. But whan the gloamin cam on, they hrocht till him a hantle wi' evil spirits, and he cuist oot the spirits wi' a word, and healed a' the sick:
17. That sae micht the words o' Esaiah be fulfilled, wha threepit. "He his sin sel took oor sillinesses, and bure oor sicknesses!"
18. Noo Jesus, seein gneat thrangs aboot him, commandit to gang ower to the ither side.
19. And a certain Writer cam, and quo' he, "Maister! I wull follow ye, whaursae'er ye may gan!"
20. Jesus said till him, "The tods hae holes, and the birdies o' the lift hae nests; but the Son o' Man hasna whaur his heid may lie!”
21. And anither o' his followers says, "Lord! lat me first gang till my faither's burial!"
22. But Jesus says till him, "Follow ye me! and lea the deid to bury their ain deid!”
23. And whaun he gaed intil a boat his disciples follow’t him.
24. And see! a great storm raise on the Loch; and wave efteir wave gsed ower the boat: but he was sleepin.
25. And comin till him, they roused him, sayin, "Maister! save us: we perrish!”
26. And he says to them, "Why soud ye be fley'tl ye o' sic sma' faith!" Than he raise, and challonged the winds and the sea. And a' was lown!
27. And the men ferlied uncolie, sayin, "Whatna man is this, that e'en the winds and the watirs obey him 'I"
28. And when he cam to the ither side, to the pairts o' the Gadarenes, tbar met him twa possess': anes, comin oot o' the tombs, unco fierce, sac that name daur gang that gate.
- ↑ V. 9. The Roman Captain argued weel! He, an inferior officer, wi' a hunner men, had his biddius dune by them; hoo muckle mair coud this Divine Healer order the palsy to be gane!
