flesh, that the spirit may be sav't i' the day 0' the Lord Jesus.
6. Yere roosin o' yersels is unseemly. Ken-ye-na, that a wee harm wull leaven the hail melder.
7. Pit awa, than, the auld leaven, that ye may be a new lump, accordin as ye are unleavened; for oor Paschal-Lamb has been slain: Christ.
8. Lat us than keep festival, no wi' auld leaven, naither wi' leaven o' vice and wickedness, but wi' the un-1eaven'd breid o' ' aefauldness and truth!
9. I wrate to ye in my epistle, no to be nar-freends wi' unclean anes;
10. Yet no avoidin a'-thegither the unclean anes 0' this warld; or the covetous. or extortioners, or eidol-lovers; for than ye bude gang oot o' the warld:
11. But noo I send t'ye, no to he malrin nar-freends, gin ony ane ca'd a brither be unclean, or covetous, or an eidol-lover, or a mis-ca'er, or drucken, or an extortioner: wi' sic-can a ane no e'en to eat.
12. For what hae I wi' judgin thae oot-by? Is't no for ye to judge thae within?
13. But thae oot-by disna God judge? See pit oot the ill-deedie man frae amang yersels.
CHAPTIR SAX.
Aboot law-pleas, and unholie leevin.
DAUR ony 0' ye, haein a plea wi' his neebor. gang to the coort afore the unrichtous, and no gang afore the saunts?
2. Or ken-ye-na that the saunts sal judge the warld? And gin by you the warld is judged, are ye unfit for the sma'est tribunal?
3. Ken-ye—na that we sal judge Angels? hoo muckle mair, than, things 0' this life?
4. Gin than, ye hae to judge things 0' this life, wad ye hae thae to judge that ye esteem-na i' the kirk?
5. I speak this to shame you. Sae! is it possible thar isna amang ye a discernin man, ane fit to gie a judgment atween his brethren?
6. But brither has a plea wi' brither, and that afore unbelievers I
7. Nay, e'en noo are ye V. 7. [1]cnisten in yere plea! to hae law-pleas ane wi' anither. Why div-ye-na raither tak wrang? Why div-ye-na raither thole defraudin?
8. Nay, but e'en ye yersels do wrang, and defraud; and that yere ain brethren!
9. Ken-ye-na that the ill-deedie sanna come intil God's Kingdom? Dinna. be misleared; naither unclean, nor eidol-lovers, nor adulterers, nor misca'ers, nor Sodomites,
10. Nor thieves, nor sellie, nor the drucken, nor thae that curse, nor extortioners, sal come to possess the Kingdom 0' God.
11. And sic war some 0' ye; but ye had them weshed awa, but ye war made pure, but ye war declar't richtous-i' the name 0' the Lord Jesus Christ, and i' the Spirit o' God.
12. A' things are alloo't to me but a' things wadna profit me; a' things are alloo't to me, but I winna be behauden to ony.
13. Meats for the stammack, and the stammack for meats; but God wull bring to nocht baith it and them. The body isna for uncleanness, but for the Lord, and the Lord for the body.
14. God baith raised-again the Lord; and wull raise us throwe his pooer.
15. Ken-ye—na that a' yere pairts are pairts o' Christ'! Takin than the pairts o' Christ, sal I mak them the pairts o' a harlot?
16. Or ken-ye-na that he that joins his sel to a harlot is ac bodyl ("For," says he, "the twa sal be ae flesh.")
- ↑ Ye hae tint yere plea. already, to gang to law afore pagans. The skaith i in takin up the plea.
