17. But he that joins his sel to the Lord is ae spirit.
18. Flee frae uncleanness! Ilka sin that a man may do is unco to his body; whauras, he wha commits uncleanness feshes sin intil his ain body.
19. Or ken-yena that yere body is a temple 0' the Holie Spirit within ya, that ye hae frae God? and that ye war-na yere ain?
20. In vera deed, ye war coft wi' a price; sae, magnify God in yere body.
CHAPTIR SEEVEN.
Husbands and wives. Malcin use 0' the warld, but no booin doon till't.
BUT, anent what ye wrate to me: It is gude for a man no to be bund to a wumman.
2. Yet, because 0' nncleanness, lat ilk man has his ain wife, and ilk wumman her ain man.
3. Lat the husband render to the wife what is due; and in siclike mainner, the wife as weel, to the husband.
4. The wife hasna authoritie ower her ain body, but the husband; and in siclike mainner the husband hasna authoritie ower his ain body, but the wife.
5. Defraud-ye-na ane the ither, unless aiblins it may be for a wee, by consent, that ye may hae mair time for prayer: and forgather again, lest Sautin tempt ye wi' incontinence.
6. This, hoobeit, I am saying by permission, and no 0' commandment.
7. I coud wussa man to be like mysel; but ilka ane has his ain gift frae God; ane this, and anither that.
8. Nane-the-less, say I to the unmarry't and to weedows: Weel for them gin aiblins they bide e'en as I am.
9. But, gin they haena continency, lat them mairry: for better is': to mairry than to be ower fain.
10. To the mairry't hoobeit, I gie chairge—yet no I, but the Lord—that a wife gang-na awa frae her husband.
11. But gin aiblins she e'en be sinder't, lat her bide unmairry't, or else be reconcil't to her husband; and lat-na a husband pit awa a wife.
12. And to the lave say I (no the Lord), Gin a brither hae a wife, and she believes—na, and gin she hersel is weel-pleased to dwell wi' him—lat him no send her awa.
13. And a wife wha has a husband that believes-na. gin he his sel is weel-pleased to dwall wi' her—lat her no lea her husband!
14. For the misbelievin husbandis sanctify't in the wife, and the misbelievin wife is sanctify't in the husband: itherways, as the case is. yere'[1]bairns war unclean; but noo are they holie.
15. Hoobeit, gin the misbelievin husband is unyo 'ng his sel, lat him be unyokin his sell the brither or the sister hasna come into bondage in sic like: but God has enjoined upon us peace.
16. For hoo ken ye, 0 wife! but ye may save yere husband? Or hoo ken yo, 0 husband! but you may save yere wife?
17. But whether sae, ilk ane, as the Lord has portioned oot to him, ilk ane as God has fund him and ea'd him, sae lat him be walkin; and sae enjoin I in a' the lrirks.
18. Haein been circumceesed whan ane was ca'd, lat him no be uncircumeeesed. In uncircumceesion was ony ane ca'd? Lat him no become circumceesed!
19. Circumcession is naething, and uncircumceesion is naething: but the keepin o' God's commandments is a'-thing.
- ↑ V. 14. Gin the faither and mither warna leevin thegither, it was a' one as 'n their mairriage was unlawfu': and their bairns wad be as un1awfu'. See, for their bairns' sakes, as weel as for peace's sake, and the Gospel': sake. lat them gree thegither.
