18. "Hear ye than the parable o' The Sawer:
19. "Whan ony ane hears the word 0' the Kingdom, and understauns-it-na, than comes the Ill Ane, and cleeks awa that sawn in his heart: this is be sewn by the fit-path.
20. "And he on the staney bit sawn, is he wha hears the word, and blythely receives it;
21. "Yet has he nae rute in himsel, and hides but for a wee; and on dool or fash comin, he stumbles belyve.
22. "And he sawn amang the thorns, this is he wha hears the word, and than the cark o' the warl', and the glamor o' riches, smoor the word, and it bears nae frute.
23. "But he sawn on the gude grun', this is he wha baith bears and understanns the word; wha e'en brings forth irute; and gies, this a hunner, that saxty, and the ither thretty."
24. Anither parable set he afore them; and quo' he : "The Kingdom 0' Heeven is like to a man, who. sawed gude seed in his croft;
25. "But when folk war sleepin, cam his fee, and sawed tares amsng the wheat, and slippit awa.
26. "But whan the wheat brairdit and brocht forth frute, than schawed the tares as weel.
27. "See cam the servants o' the gudeman, and quo' they to him, 'Sir, did-ye-na saw gude seed i' yere croft? Frae whatna way than has it tares ?'
28. "And he said to them, 'Some enemy has dune this!' And quo' the servants to him, 'Wull ye has us gang and gaither them up?'
29. "But quo' he, 'Na; least as ye gaither up the tares, ye pu' up the wheat wi' them!'
30. "'Lat baith grow thegither till the hairst; and at hairst-time I wull say to the shearers, "Gaither ye thegither the tares first, and burn them; but gaither ye the wheat intil 'my barn.'"
31. Anither parable set he afore them, sayin', "The Kingdom 0' Heeven is like a mustard-seed, whilk a man took, and plantit in his yaird.
32. "Whilk in sooth is sma'est o' a' seeds, but when it is grown is the biggest o' a' yerbs, and comes to be a tree, sae that the birdies o' the lift come and howlf in its branches."
33. Anither parable set he afore them: "The Kingdom 0' Heeven is like till risin, whilk a wife took and pat in a firlot 0' meal, till the hail was risen."
34. A' thae things spak Jesus to the folk in [1] parables; and wantin a parable spak-he-na to them,
35. That it soud come to pass what was said by the prophet, "I will open my mou' in parables; I will gie oot things keepit hidin free the warld's fundation."
36. Than he pairtit free the thrangs, and gied intil the hoose: and his disciples cam till him, and quo' they, "Expone to us the parable o' the Tares o' the Croft! ”
37. He answer't, and quo' he to them, "He wha sawed the gude seed is the Son 0' Man.
38. "The croft is the warld; the gude seed are the bairns o' the Kingdom; but the tares are the bairns o' the Ill Ane.
39. "The enemie that sawed them is Sautan; the hairst is the endin o' the warld, and the shearers are the Angels.
40. "And e'en as the tares are
- ↑ V. 34. How mony maun hae been our Lord's rabies! Matthew, maist like gies us but a wheen o' the number. And think-ye-na. Christ aften gied them ower agin? Weel-kent Evanglists in our ain day in the advantage o't. And wadna this account for the diff'er i' the cleedin 0' them? Matthew giean a parable the way he first heard it or the way he likit it best; and Luke the same parable in anither form that he likit best, or they likit it best wha tell't him See also note, Luke xiv. 24.
