wha lippens-na God, has made him oot fause; for he hasna pitten faith i' the witness God has witnessed enent his Son.
11. And here is the witness: that God has giftit us wi' eternal life, and this life is in his Son.
12. Wha has the Son has the life; and wha hasna the Son 0' God hasna the life.
13. Thir things I wrate to ye that ye micht ken [1] ye has eternal life; to you wha are 'pittin faith i' the name 0' the Son 0' God.
14. And this is the freedom 0' speech that we hae toward him; that, gin onything we be askin, conform to his wull, he hearkens to us.
15. And, gif we ken he hearkens to us, whatna thing we may be askin frae him, we ken that we has the askins that we askit 0' him.
16. Gin aiblins ony ane soud see his brither sinnin a sin no to death, he sal ask, and he wull gie him life, for thee sinnin no to death. Thar is a sin to death: no anent that am I sayin that he soud mak request.
17. A' wickedness is sin, and that is sin no to death.
18. We ken that nae ane begotten 0' God is sinnin; but anent him wha was begotten o' God—he keeps him, and yon Ill-ane disna touch him.
19. We ken that we are 0' God, and the hail wnrld is in the airms o' the Ill-ane.
20. But we ken the Son 0' God has come, and has gien us an inward sicht, that we may comprehend the True Ane; and we are in the True Ane; in his Son Jesus Christ. This is the true God. and, and life-for-aye.
21. Dear bairns! gaird yersels frae eidols!
- ↑ 1 V. 13. A' throwe this chaptir, the "witness" the Spirit gies the believer, isna some excitit rapture, but plain evidence 0’ word and statement : something to be understude, and received, and believed i’ the heart ; and nctit on i’ the life !
