JUDE.
Warnine again corrupt sins. The Lord is comin!
JUDE, a servitor 0' Jesus Christ, brither 0' James, to thae wha bein in God the Faither beloved anes, and keepit in Jesus Christ, are the chosen.
2. Mercie to you, and peace and love, be made mair!
3. While I was giean a' tent to be writin to ye o' oor common salvation, I fand it necessar to write to ye, exhortin ye to strive uncolie for the faith ance-and-for-a’ gien to the saunts.
4. For that slippit in a wheen men, 0' wham it was putten-doon lang syne, that this soud be their condemnation, ungodlie anes—oor God's lovin-favor turnin intil wantonness, and disownin oor only Lord Jesus Christ.
5. I am thar-for disposed to pit ye in mind, tho' ance-and-for-a' ye ken a' things, that the Lord, haein saved a folk oot o' the land 0' Egypt, did again destroy them wha believed-na.
6. Angels too, thae wha mainteen’d-na their sin station, but left their ain place, has he keepit for judgment 0' a great day, in evirdurin bonds, in mirkness.
7. As Sodom and Gomorrah, and the cities aboot them, for that in sic-like they gaed oot to commit un-cleanness, and gaun eftir strange flesh, are set forrit as a warnin, dreein the penalty of endless fire.
8. And in siclike, e'en thir, dreamers defile the flesh, despise authoritie, and misca' dignities;
9. Whaur-as Michael the Archangel, when contendin wi' Sautan he debatit aboot Moses' body, daurna misea' him; but quo' he, "The Lord repruve ye!"
10. But thir, as mony things as they ken-na, they misca'; while in as mony things as they ken by nature as the beass without reason, in thir they corrupt theirsels.
ll. Alack for them! for they gaed on i' the path 0' Cain, and warsl't forrit i' the sin 0' Balsam, and perish't i' the mockery o Korah.
12. Thir are they that are like hidlin rocks at yere love-feasts, when they feast w'ye; shepherds [1]feedin theirsels withoot shame; cluds wantin moisture, by the winds driven on; trees 0' the leaf-fa'in, wantin frute, twice deid, rived up by the rutes;
13. Wild waves 0' the sea, foamin oot 0' their ain shame; gangrel starns, for wham black mirknese has been keepit for aye.
14. And to thir prophesy't Enoch, the seeventh frae Adam, and quo' he, "Behauld I the Lord cam, amang his holie myriads,
15. "To gie judgment upon a', and to sentence a the ungodlie manent a' their warks o' wickedness they for ungodliness had done; and anent a' the hard things they soak again him; sinfu', ungodlie men!"
16. Thir are yammerers, compleenin anes, gaun on eftir their ain desires; and their mon' speak heigh swallin words, fleeching and flatterin folk for their ain ends.
17. But ye beloved, mlind ye the words afore spoken the Apostles o' oor Lord Jesus Chrizt;
18. For they tell't ya that i' the last times that soud be mockers, guan un on conform to their own ungodlie desires.
19. Thir are they that mak separations; nateral men, no possessin the Spirit:
- ↑ 12. A shepherd soud feed his flock; but this sort thocht only 0' theirsels.
