Roy's Wife of Aldivalloch (1800)/The Happy Relief
❈❈❈❈❈❈❈❈❈❈❈❈❈❈❈❈❈❈❈❈
THE HAPPY RELIEF:
OR
O'er the MUIR amang the HEATHER.
MARY mourn'd in formal weeds,
the death of Roy of Aldivalloch,
While her soul with passion burn'd.
for Johny and the Braes of Balloch.
Chor. O'er the muir amang the heather,
O'er the muir amang the heather,
O the days that I have seen,
Amang the bonny blooming heather,
Her curling locks wav'd in the wind,
the tears stream'd down her cheeks sae bonny,
And ay the burden o' her song,
was wae's my heart I've lost my Johny.
O'er the muir. &c.
And ay the burden o' her song,
was waes my heart I've lost my Johny.
O curse upon the warld's pelf,
that won my Mammy and my Daddy;
Wha gae me to auld Roy's arms,
and bade me leave my ain true laddie.
O'er the muir. &c.
Wha gae me to auld Roy's arms;
and bade me leave my ain true laddie.
But gin I had my Johny here,
In spite o' Mam and canker'd daddy,
I'd clasp him to this faithfu' breast,
and row him in my tartan plaidie.
O'er the muir, &c.
I'd clasp him to this faithfu' breast,
and row him in my tartan plaidie.
Johny heard her waefu' 'plaint,
like light'ning flew across the Balloch,
Crying, tak me to thy faithfu' arms,
thou leelest lass in Aldivalloch.
O'er the muir, &c.
Johny met wi' Roy's wife,
and they gaed o'er the muir the gither.