The Poetical Works of Robert Burns/Landlady, count the Lawin

by Robert Burns (1759-1796)

LANDLADY, COUNT THE LAWIN.

TUNE—'HEY TUTTI, TAITI.'

 

Landlady, count the lawin,
The day is near the dawin;
Ye're a' blind drunk, boys,
And I'm but jolly fou.
Hey tutti, taiti,
How tutti, taiti—
Wha's fou now?

Cog an' ye were ay fou,
Cog an' ye were ay fou,
I wad sit and sing to you
If ye were ay fou.

Weel may ye a' be!
Ill may we never see!
God bless the King, boys,
And the companie!
Hey tutti, taiti,
How tutti, taiti—
Wha's fou now?