The Singers' companion, a choice selection of fashionable songs/A Scots sang

A LASSIE LIVES BY YONDER BURN.

Words by Mr Carswell. Set to Music, with an accompaniment for the Forte, by J. Jaap.

A lassie lives by yonder burn,
⁠That jinks about the seggins;
There aft she gi'es her sheep a turn,
⁠To feed amang the brakens.
Could I believe she'd woo wi' me,
⁠In spite of mam or daddie,
I'd aften slip out owre the lea,
⁠An' row her in my plaidie.

Her breast to busk, I'd violets pu',
⁠That blaw aboon the boggie,
And blue bells hingin' wat wi' dew,
⁠Frae yonder glen sae foggie.
Could I believe she'd woo wi' me,
⁠An' tak me for her laddie,
I'd aften slip out owre the lea,
⁠And row her in my plaidie.

I maun awa, I canna stay,
⁠Should a' gang tapsalteerie;
Should boggles meet me in the way,
⁠This night I'll see my dearie.
I'll ben the spence and dress a-wee,
⁠Wi' knots and bughts fu' gaudy,
For I canna rest until I see
Gin she'll come in my plaidie.