Berba Tita Cazöla
Berba Tita Cazöla: pordërt Jan B. Tasser da Sorega, fre de berba Jandomëne Tina d' Armentarora ê n capo demorvëia da S. Ciascian. Al é gnü vedl d' ... agn + Cazöla, probabl deache al fô muradú - é pelegriné a Loret - a Roma, da olache al á ince porté le corp de san Germano a S. Martin. An pó dí, che te n corp frësch y sann abitâl n spirit frësch y sann; capi de na sort de n natural, ch'an ürta ma sciöche i iai da crotun söles munts altes.
Berba Tita Cazöla mëss ester sté n natural, ch' amâ la boanda dl Lont, y ara i fajô bun; mo süa fomena ne n' orô nia dër le laldé por chësc: "Tö, Tita": dijera naota, "ne podesseste pa bëre ega canche t' as sëi?" "Oh mia bona Cristina", respogn Tita "sce te n orôs un che bër ega, esste messü maridé n alcun."