De le ćiaval che m' avëis menè, ne sunsi nët nia contënt

From Wikisource
Jump to navigation Jump to search
De le ćiaval che m' avëis menè, ne sunsi nët nia contënt  (1833)  by Micurà de Rü
badiot
grafia moderna

De le ćiaval che m' avëis menè, ne sunsi nët nia contënt

Mi care Mercadant!

De le ćiaval che m' avëis menè, ne sunsi nët nia contënt. Prüma ne me plej bele nia chëst corù blanch e ros. Iö l' oresse o tüt blanch o tüt ros, insoma d' un corù. Despò àle, pro na vita tant cürta, le col massa lunch e sotì. I piesc davant pê bugn ëi, mo chi dedô ne me plej, anzi le ciamp me pê stropié. Ël sarà pa le viade che fej valch; derest àle i ödli n püch lagremusc. Sënza me paréssel ch' ël ne jiss nia mal in calés; a raité ne l' ài inćiamò provè. Sce calëis de trëi zechins, sce le salvi, scenò ves le mëni cola prüma ocajiun.

Adie intant.

Vost sincero amico N. N.