L' dì ' i morć
“Questo testo è tratto dal Corpus dl ladin leterar creato dal Prof. Paul Videsott della Libera Università di Bolzano” .
Lʼ dì dʼ i morć.
Ci bur soné chësc tlin tlan tlin!
Ciampanes rotes sál, desgorc
É i gragn bi boc, chël bel pan pin!
Ascoltede, al é incö le de di morc!
Ci tëmp dl diau! tacé, plovëi,
Dal gran venté i lëgns sʼ é storc,
I crëp, i pra curis de nëi;
Ascoltede, al é incö le de di morc!
Lüch sant, porater bëgn forní
De ciüf, dʼ arjënt y dʼ or, ci torc
Tʼ unsʼ fat, che tʼ as de fosch vistí?
Ascoltede, al é incö le de di morc!
La jënt, porcí vara striscian,
Le ce bas infora por chisc porc
Dlunʼ lagherman y dlunʼ pitan?
Ascoltede, al é incö le de di morc!
Y tö, mi cör, chësc strënje, saré,
Chësc sofoié, chësc mazamënt,
Ci mai, ci mai mʼ ó dí chësc me?
Döt vëgn y vá tan snel co le vënt!