La confolia

From Wikisource
Jump to navigation Jump to search
La confolia  (1888)  by Angelo Trebo
badiot Mareo
grafia moderna
La confolia.


Confolia, tʼ es na flu tan bela!
Porcí pa tigneste tan sot
le ce, iu mʼ á ponsé gonot?
Dles flus spo este tö sonsela!

Da düc spo este respetada:
les gran regines te te mët
te sü ciavëis dër bel y nët
denant co jí a fá parada.

Plü ienn co nagoles y reses
te mëton söl ciapel,
les jones tʼ á söl piet por bel.
A döt demá sorví i mëssesʼ.

Superbia ci co é ne saste.
Na iesta blancia desco nëi,
o, empó le miú odur nes daste,
mantel bel vërt é to plajëi.