Le medemo và na ota a Roma e pëtla n corp sant
Le medemo và na ota a Roma e pëtla n corp sant
Le medemo và na ota a Roma e pëtla n corp sant, ch' ël porta a ćiasa per vëne. Arivé ch' ël ê a ćiasa con chëst corp sant, le pietel ora a chësta comunité, ora a n' atra; mo degügn n' â gran vöia de le comprè, perćì che ël damanava plütost tröp. Incandenò le compra la Curazia [de] S. M. e se le fej portè. Le dé, ch' ël dô vegnì impara, i và le Curat de le lüch incuntra infin a Pederova, olache ël ê na osteria. Ël se dà, che ëi s' incuntra mefo bel davant a chëst' osteria, olache el pelegrin palsava n püch con so corp sant. Subit che le Curat le vëiga, dîjel: "Oh, vì mo un püch t' osteria, che iö t' ó pa paié l' ega de vita." An à da savëi, che chëst prô fô per ater plütost avare, e ch' ël i plajova plü a tó ch' a dè. Canche nost pelegrin à bevü chëst' ega de vita, dîjel: "Oh, chëst é pa le prüm miraco, che chëst sant à fat ël."