Les flus de munt
Jump to navigation
Jump to search
Les flus de munt.
Apëna che la nëi sʼ an vá
adora belo prësc de ma,
les flus florësc sön munt,
i lersc á endô ciafé la frunt,
bel vërc atira vën i pres
y an alda endô les ês.
Milandores con bel mantel
a blanch florësc dër bel.
Scʼ al foss nosc cör tan pur
y sauber, plën de amur
a chël co á le monn cherié,
a chël co á les flus ciafé.
Alalt sön chi gran banc florësc
y resta lʼ edlbais dagnora frësch.
Na stëra blancia é söa flu,
dagnora resta so corú.
Y desco lʼ edlbais, ensciö
tl amur messasseste ester tö!