Домострой. По рукописям Императорской Публичной Библиотеки (Яковлев 1867)/I/41/ДО

Материал из Викитеки — свободной библиотеки

[108]
ГЛАВА МА[1].
КАКЪ ОГОРОДЪ И САДЫ ВОДИТИ.

У котораго человѣка огородецъ есть, и кто пашетъ огородъ самъ ли государь дозираетъ[2], или кому приказано. [109]Первое огорода[3] съ весны перекрѣпитъ, чтобъ въ огородъ ни собаки, ни свиньи и всякои животинѣ, ни курамъ взоити бы ни откуды не льзѣ[4], ни съ чужаго двора, ни съ своего; ино яблонямъ и всякому плоду пакости нѣтъ, а съ сосѣды остуды. Только отъ тебя твердо, твоеи животинѣ къ нимъ не умѣть[5], а ихъ къ тебѣ; дворъ бы былъ по томужъ вездѣ крѣпокъ, гороженъ или тыненъ; а ворота бъ всегда приперты, къ ночи и замкнуты; а собаки бы сторожливы[6], а огородъ бы всегда былъ замкнутъ; да кому приказано, тотъ бы всегда его берегъ день и нощь, всего въ немъ дозиралъ. И какъ гряды въ веснѣ копати, и навозъ класти[7], и засыпывати съ садиломъ[8] и на дыни паровыя гряды готовити, и всякія сѣмена водити[9] у себя и посадивъ или посѣявъ всякіе сѣмена и обиліе въ пору поливати, и покрывати, и отъ морозу всегда беречи; и яблони подчищати и суша вырѣзывати[10], и почки разсаживати, и пеньки и почки прививати, гряды всякое обиліе полоти, и капуста отъ червя и отъ блохи беречь, обирати и отрясывати. А подлѣ тына, около всего огороду, гдѣ крапива ростетъ, тутъ борщу насѣяти[11]; и съ весны его варити[12] щи и разведенои борщъ дѣлати, и того въ торгу [110]не купишъ и нужному, Бога ради, дашъ, ино спасеніе, а толко у молодаго человѣка, ино и упродашъ на иную вологу. А какъ насадитъ капусты и свеклы посѣятъ[13],—капуста[14] листіе варити, какъ учнетъ витися въ клубы[15], толко часто, ино изрѣтка секучи варити; а листъ, обламываючи животина кормити. А въ ту пору и до осени борщь рѣжучи сушити и въ плетницы плести[16]; ино всегда пригодится въ даль въ годъ; а капуста и свеколно[17] во все лѣто варити; а въ осень капуста солити, а свеколнои росолъ ставити; а огурцы солити же; а въ лѣтѣ прохлажается: ястъ дыни, и стручіе, и морковь, и огурцы и всякіи овощъ; а чего Богъ пошлетъ поболше[18], ино упродастъ. А садъ разводити про себя; ино привитка[19] отъ древа до древа три сажени и больши, ино яслони[20] велики, и обилію и всякимъ овощемъ рости не помѣшаютъ. Какъ будетъ густо отъ вѣтвія подъ древіемъ не ростетъ ничто[21]. А подушекъ яблочныхъ, и что поспѣло: огурцы, дыни и всякои овощь въ пору бы обирати, и что про себя съѣсти, или поблюсти, или въ годъ поставити, и что солити, и квасъ поставити яблока, и груши, или въ патокѣ ягоднои и вишневои морсъ; и въ дешевую пору грибы сушити, и грузди, и рыжики[22] и всякои овощь, которои солити и въ годъ ставити, или чего упродати, то бы все было удержено. А сѣмяна бя всякія у себя водити: ино[23] прибыль въ [111]торгу того не купишъ, а будетъ съ лишкомъ, и ты и упродашъ[24]. А пошлетъ Богъ какихъ овощевъ въ своемъ огородѣ, ино въ началѣ убрати, что поспѣло отъ всякихъ плодовъ, первѣе къ церкви Божіи принести, ино священники освятятъ, да сами вкушаютъ и строителя винограда да благословятъ, и ко отцу дъховному въ домъ посылати же. Аще доволно, ино и церковникамъ послати же и убогимъ и нищимъ такожъ дати отъ своихъ праведныхъ трудовъ и отъ благословенныхъ плодовъ. И въ виноградъ свои священническіи чинъ призывають же вкушати и благословляти, а въ селѣхъ пошлетъ Богь такожъ творятъ: отъ плодовъ своихъ приносятъ къ церквамъ Божіимъ и ко священникомъ, гдѣ приходятъ молитися. Подобаетъ отъ всякаго обилія сиротамъ и убогимъ даяти[25] и по монастыремъ убогимъ даютъ же и тако творяще, да благословенъ будетъ домъ его Богомъ и виноградъ, и село его, и нива, и пажить, и скоти и всякое животное. Усугубитъ Господь и сѣмена плодовита, и исполнитъ Господь въ дому его великія благодати, и свободу грѣхомъ даруетъ, въ семъ вѣцѣ милость Божію получитъ, а въ будущемъ жизнь вѣчную наслѣдитъ.

Примѣчанія[править]

  1. Р. Т. № 38 и Конш. глава МЕ. № 1 МѲ.
  2. Конш. или государыни.
  3. Р. Т. № 1=огородь. № 38 и Конш.=городба.
  4. Конш. не имутъ.
  5. Цар. Арх. попасть.
  6. Р. Т. № 1=сторожки. За тѣмъ въ Р. Т. № 1, 38 и Конш.: а слуги бы стерегли; а самъ государь и государыня послушиваютъ ночію;
  7. Конш. а навозъ зимѣ запасати.
  8. Т. № 38 и Цар.=кадидомъ. Конш. къ садиломъ.
  9. Ibid.=наводити.
  10. Р. Т. № 38=выбирати, Конш. вытирати.
  11. Р. Т. № 38=сѣяти.
  12. Конш. про себя много.
  13. Р. Т. № 38, 1 и Конш.=и поспѣетъ.
  14. Ibid.=капустное.
  15. Р. Т. № 1 = въ клубье.
  16. Р. Т. № 1=и плѣнницы вязати.
  17. Конш.=свеклу.
  18. Ibid. чего пригодилося.
  19. Р. Т. № 38 и Конш.=прививка.
  20. Конш. ростутъ.
  21. Ibid. ино борщу насѣяти, ино всегды плодъ.
  22. солить.
  23. Р. Т. № 1, 38 и Конш. великая.
  24. Ibid. оканчивается глава.
  25. Пог. Цар. Бол. Арх. боголюбцы.


Это произведение перешло в общественное достояние в России согласно ст. 1281 ГК РФ, и в странах, где срок охраны авторского права действует на протяжении жизни автора плюс 70 лет или менее.

Если произведение является переводом, или иным производным произведением, или создано в соавторстве, то срок действия исключительного авторского права истёк для всех авторов оригинала и перевода.