Chronicle of the Grey friars of London/Johannes Rex
Kynge Johan, brothar unto Rychard, was crownyd upon the Assencion daye, the yere of our Lord God Mlclxxxxix.
Pi.°. In this furst yere he lost Normandy and Angeoy, and every ploughe lond tasked at iijs for to gete it a gayne.
ij°. A°. Thys yere was chosyn by the wyse men of the citte of London xxxv. men, and sworne to mayntayne the assies in London.
iiij°. A°. Thys yere felle gret raynes, and gret thunder, lytenyng, and hayle-stones as grete as eggys, that dystroyd cornes [and] fruttes; and fowlles seying flyeng in the eyer berynge burnynge coles, and brent many huses (sic). And that yere the londe was enterdyted.
vj°. A°. Thys yere began the order of Freer Prechars. And then was a grete wynter of frost and colde that lastyd from new-yeres daye unto our lady day the Annunciacion.
vij°. A°. This yere alle pleys longynge un to the crowne ware pletyd at the tower of London.
ix°. A°. Thys yere the londe was interdytyd. And this same yere was borne Henry the [eldest] sonne to kynge John. And this yere beganne the names of mayeres and shreffys in the citte of London.
xj°. A°. Thys yere the londe was reconciled, and the interdyction relesyd.
xiij°. A°. Thys yere was grete dyscencione betwene the kynge and hys lordes; and Lewys the kynges sonne of France dyd moch harme in Ynglond. Southewarke the bregge with moch of the citte was brent.
xv°. A°. Thys yere at Candelmas the kynge sheppyd at Porthesmothe, and sayled to Peytoe.
xvj°. A°. Thys yere beganne the Freer Minors in Ynglond.
- This word should be seen. Compare a similar passage in Nicolas's Chronicle of London.