I had a horse (1820)/Bonny Dundee

---

BONNY DUNDEE.

O whare gat ye that bonny blue bannet
O silly blind body carnna ye see?
I gat it frae a bonny Scots callan,
Atween Saint Johnstone and bonny Dundee.
And O, gin I saw but the laddie that gae me't
Fu' aft has he doudl'd me upon his knee;
But now his awa and I dinna ken whare he's;
O gin he was back to his minny and me;

My heart has nae room when I think on my dawty
His dear rosy haffits brings tears in my ee:
But now he's awa, and I dinna ken whare he's;
Gin we could ance meet we's ne'er part till we die.
And O gin I saw but my bonny Scots callan!
Fu' aft has he doudl'd me upon his knee;
But now he'’s awa, and I dinna ken whare he's;
O gin he was back to his minny and me.