I had a horse (1820)/Plaid amang the heather

For other versions of this work, see Plaid amang the Heather.

PLAID AMANG THE HEATHER.

⟨The⟩ wind blew hie o'er muir and lea,
⟨And⟩ dark and stormy grew the weather,
⟨The⟩ rain rain'd sair among the heather,
⟨But⟩ my love's plaid amang the heather.

O my bonny highland laddie,
My winsome, weelsar'd highland laddie,
Wha wad mind the wind and rain,
Sae weel row't in his tartan plaidie.

Close to his breast he held me fast:-
Sae coozy, warm, we lay thegither;
Nae summer heat was half sae sweet
As my love's plaid amang the heather.
O my bonny, &c.

Mid wind and rain he tald his tale,
My lightsome heart grew like a feather
It lap sae quick I coudna speak,
But silent sigh'd amang the heather.
O my bonny, &c.

The Storm blew past; we kiss'd in haste;
I hameward ran and tald my mither,
She gloom'd at first but soon confest
The bowls row'd right amang the heather.
O my donny, &c.

Now Hymen's beam gilds bank and stream,
Whare Will and I fresh flowers will gather;
Nae storms I fear, I've got my dear,
Kind hearted lad amang the heather.
O my bonny highland laddie,
My winsome, weelfar'd, highland laddie,
Should storms appear, my Will's ay near;
To row me in his tartan plaidie.

FINIS.