Isle of St Helena/Highland Harry

by Anonymous

HIGHLAND HARRY.

My Harry was a gallant gay,
Fu' stately strode he on the plain;
But now he's banish’d far away,
I’ll never see him back again.
O for him back again,
O for him back again,
I wad gi'e a' Knockhaspie’s land,
For highland Harry back again.

Whan a' the lave gae to their bed,
I wander dowie up the glen;
I sit me down and greet my fill,
And ay I wish him back again.
O for him, &c.

O were some villains hangit high,
And ilka body had their ain;
Then I might see the joyfu’ sight,
My highland Harry back again.
O for him, &c.

---