King George IV. his welcome to Scotland/Gloomy winter's now awa'

by Robert Tannahill

For other versions of this work, see Gloomy Winter's Now Awa' (Tannahill).

GLOOMY WINTER's NOW AWA’.

Gloomy Winter's now awa',
Saft the weſtlin breezes blaw,
’Mang the birks o' Stanlyſhaw
The mavis ſings ſae cheery O:
Sweet the crawflow'r's early bell
Decks Gleniffer's dewy bell,
Blooming like thy bonnie ſel',
My young, my artleſs dearie O.

Come, my laſſie, let us ſtray
O’er Glenkilloch's funny brae,
Blythly ſpend the gouden day
’Midſt joys that never weary O.
Tow'ring o'er the Newton woods,
Lavrocks fan the ſnaw-white clouds,
Siller ſaughs wi' downy buds,
Adorn the banks ſae briery O.

Round the Sylvan fairy nooks,
Feath’ry, breckans fringe the rocks,
’Neath the brae the burnie jouks,
An’ ilka thing is cheery O.
Trees may bud, and birds may ſing,
Flow'rs may bloom, and verdure ſpring,
Joy to me they canna bring,
Unleſs wi' thee my deary O.