it is a letter from the consuls embodying the decree, and addressed to certain municipal magistrates.
[Q.] Marcius L. f., S(p.) Postumius L. f. cos. senatum consoluerunt n(onis) Octob. apud aecem Duelonai.
Sc(ribendo) arf(uerunt) M. Claudi(us) M. f., L. Valeri(us) P. f., Q. Minuci(us) C. f.
De Bacanalibus quei foideratei esent ita exdeicendum censuere:
Neiquis eorum Banal habuise velet; sei ques esent, quei sibci deicerent necesus ese Bacanal habere, eeis utei ad pr(aitorem) urbanum Romam venirent, deque eeis rebus, ubei eorum verba audita esent, utei senatus noster decerneret, dum ne minus senatorbus C adesent [quom e]a res cosoleretur.
Bacas vir nequis adiese velet ceivis Romanus neven nominus Latini neve socium quisquam, nisei pr. urbanum adiesent, isque [d]e senatuos sententiad, dum ne minus senatoribus C adesent quom ea res cosoloretur, iousiset. Ce[n]suere.
Sacerdos nequis vir eset; magister neque vir neque mulier quisquam eset. Neve pecuniam quisquam eorum comoine[mh]abuise ve[l]et; neve magistratum, neve pro magistratud, neque virum [neque mul]ierem quiquam fecise velet. Neve post hac inter sed conioura[se nev]e comvovise neve conspondise neve conpromesise velet, neve quisquam fidem inter sed dedise velet. Sacra in oquoltod ne quisquam fecise velet; neve in poplicod neve in preivatod neve exstrad urbem sacra quisquam fecise velet, nisei pr. urbanum adieset, isque de senatuos sententiad, dum ne minus senatoribus C adesent quom ea res cosoleretur, iousiset. Censuere.
Homines plous V oinvorsei virei atque mulieres sacra ne quisquam fecise velet, neve interibei virei plous duobus, mulieri bus plous tribus arfuise velent, nisei de pr. urbani senatuosque sententiad, utei suprad scriptum est.
Haice utei in coventionid exdeicatis ne minus trinum noundinum, senatuosque sententiam utei scientes esetis eorum sententia ita fuit: 'sei ques esent, quei aversum ead fecisent, quam