16
16 Et quia etiam ad notitiam præfatæ Sacræ Congregationis pervenit, falsam illam doctrinam Pythagoricam, divinæque Scripture omnino adversantem de mobilitate Terræ, et immobilitate Solis, quam Nicolaus Copernicus de revolutionibus orbium cælestium, et Didacus Astunica in Job etiam docent, jam[1] divulgari, et à multis recipi; sicuti videre est ex quadam epistola impressa cujusdam Patris Carmelitæ cui titulus Lettera del Reu. Padre Maestro Paolo Antonio Foscarini Carmelitano sopra l' opinione de' Pittagorici, e del Copernico, della mobilità della Terra, e stabilità del Sole, e il nuovo Pittagorico sistema del Mondo, in Napoli per Lazzaro Scoriggio 1615, in qua dictus Pater ostendere conatur, præfatam doctrinam de immobilitate solis in centro Mundi, et mobilitate Terre, consonam esse veritati, et non adversari Sacræ Scripturæ: Ideo ne ulterius hujusmodi opinio in perniciem Catholicæ veritatis serpat, censuit dictos, Nicolaum Copernicum de revolutionibus orbium, et Didacum Astunica in Job suspendendos esse donec corrigantur. Librum vero Patris Pauli Antonii Foscarini Carmelitæ omninò prohibendum, atque damnandum, aliosque omnes Libros pariter idem docentes, prohibendos, prout præsenti Decreto omnes respective prohibet, damnat, atque suspendit. In quorum
- ↑ So I venture to correct quam.
