Page:Beowulf (Wyatt).djvu/76

syþðan hē for wlenco⁠wēan āhsode,
fǣhðe tō Frȳsum.⁠Hē þā frætwe wæg,
eorclan-stānas,⁠ofer ȳða ful,
rīce þēoden;⁠hē under rande gecranc.
1210Gehwearf þā in Francna fæþm⁠feorh cyninges,
brēost-gewǣdu⁠ond se bēah somod;
wyrsan wīg-frecan⁠wæl rēafedon^[1]
æfter gūð-sceare;⁠Gēata lēode
hrēa-wīc hēoldon.⁠Heal swēge onfēng.
1215Wealhðēo maþelode,⁠hēo fore þǣm. werede spræc:
“Brūc ðisses bēages,⁠Bēowulf lēofa,
hyse, mid hǣle,⁠*ond þisses hrægles nēot,Fol. 157a.
þēo[d]-gestrēona,^[2]⁠ond geþēoh tela;
cen þec mid cræfte,⁠ond þyssum cnyhtum wes
1220lāra līðe;⁠ic þē þǣs lēan geman.
Hafast þū gefēred,⁠þæt ðē feor ond nēah
ealne wīde-ferhþ⁠weras ehtigað,
efne swā sīde⁠swā sǣ bebūgeð
windge [e]ard-weallas.^[3]⁠Wes, þenden þū lifige,
1225æþeling ēadig;^[4]⁠ic þē an tela
sinc-gestrēona.⁠Bēo þū suna mīnum
dǣdum gedēfe,⁠drēam healdende.
Hēr is ǣghwylc eorl⁠ōþrum getrȳwe,
mōdes milde,⁠man-drihtne hol[d];^[5]
1230þegnas syndon geþwǣre,⁠þēod eal gearo.

1. 1212. MS. ‘reafeden.’
2. 1218. MS. ‘þeo ge streona.’
3. 1224. MS. ‘wind geard weallas’; Ettmüller ‘windige weallas,’ cf. l. 572. The emendation in the text is Kemble’s.
4. 1225. Wülcker puts a comma after æþeling, making it a vocative. It seems to me that such breaks in the half-line are to be avoided wherever possible. Cf. ll. 130, 2188, 2342.
5. 1229. MS. ‘hol.’