CLASMATODON PARVULUS (Hampe), Hook, & Wils.
Tab. 79.
Plantæ tenellæ, depresso-cæspitosæ; cæspitibus plus minusve extensis intricatis e flavescenti-viridibus subnitidis.
Caulis tenuissimus, repens, subpinnatim vel irregulariter ramosus; ramis ramulisque ut plurimum assurgentibus.
Folia laxius densiusve imbricantia, erecto- vel subsquarroso-patentia, concava, elongato-ovata, brevius acuminata, superne lenissime serrulata, inferno margine recurva, ad medium unicostata, elliptico-areolata; cellulis ad baseos angulos subquadratis: perichætialia elongato-lanceolata, erecta, subvaginantia, ecostata, laxius texta.
Flores monoici: masculi gemmacei, axillares.
Capsula minuta, oblongo-ovalis, in pedicello vix bilineari erecta, leptoderma; peristomio simplici normaliter 16-dentato, dentibus flavescentibus valde irregularibus fragilibus basi dorsali nonnunquam processu uno alterove squamiformi brevissimo instructis plerumque 1–2-fissis, cruribus inaequalibus granulatis remote nodoso-geniculato-articulatis; annulo magno e cellularum serie tri-quadruplici composito persistente vel frustulatim discedente intensius colorato; operculo conico longius oblique rostrato; calyptra dimidiata.
Clasmatodon parvulus, (Hampe,) Hook. & Wils.; Sulliv. Mosses U. States, p. 60, t. 5; Sulliv. & Lesqx. Musc. Bor.-Amer. Exsicc. (ed. 1), No. 246.
Clasmatodon Pusillus, Hook. & Wils. in Drumm. Muse. Amer. Coll. 2, No. 80; & in Lond. Jour. Bot. 1842, p. 421, t. 25; Sulliv. Musc. Alleghan. No. 80.
Leskea parvula, Hampe in Linnaea, 13, p. 46.
Rhegmatodon parvulus, Hampe, Icon. Musc. t. 14.
Hypnum parvulum. C. Müll. Synop. Musc. 2, p. 409.
Var. rupestris; cæspite densiore, statura paulo majore, ramis
