PERSI SATVRA III
PERSI SATVRA III "An tali studeam calamo ?" cui verba ? quid istas succinis ambages ? tibi luditur. effluis aniens, 20 contemnere : sonat vitium percussa maligne respondet viridi non cocta fidelia limo. udum et molle lutum es, nunc nunc properandus et acri fingendus sine fine rota, sed ruve paterno est tibi far modicum, purum et sine labe salinum 25 (quid metuas ?) cultrixque foci secura patella, hoc satis ? an deceat pulmonem rumpere ventis, stemmate quod Tusco ramum millesime ducis censoremve tuum vel quod trabeate salutas ? ad populum phaleras ! ego te intus et in cute novi. 30 non pudet ad morem discincti vivere Nattae ? sed stupet hie vitio et fibris increvit opimum pingue, caret culpa, nescit quid perdat, et alto demersus summa rursus non bullit in unda. Magne pater divum, saevos punire tyrannos 35 haut alia ratione velis, cum dira libido moverit ingenium ferventi tincta veneno : virtutem videant intabescantque relicta. anne magis Siculi gemuerunt aera iuvenci, et magis auratis pendens laquearibus ensis 40
