( 132 )
And yet ye are sae scant o' grace,
As daur to lift your brazen face,"[1]
And offer here to tak' your aith,[2]
Ye never lifted Jeanie's claith;
But though ye should yoursel' manswear[3]
Laird Wilson's sclates can witness bear,
Last Mauchline February Fair,[4]
That Jeanie's masts ye laid them bare,[5]
And ye had furled up her sails,[6]
And was at play at heads and tails.
Next, Sandy Dow, ye are indited,
As publicly ye hae been wyted,
For aft clandestinely upwhirlin'[7]
The petticoats o' Maggie Borlan',
And giein' her canister a rattle,
That months hereafter winna settle;[8]
And yet, ye loon, ye still protest[9]
Ye never harried Maggie's nest,
Tho' its weel ken'd that at her gyvil,[10]
Ye've dune what time will soon unravel.
Sae, Brown and Dow, above designed
For clags and claims hereto subjoined,[11]
The Court aforesaid cite and summon,
That on the fourth o' July comin',[12]
The hour o' cause, in our Court-ha',
The Whitefoord Arms, ye'll answer a';[13]
- ↑ Ye daur set up.—Eg. Ver.
- ↑ And offer for to tak'.—Eg. Ver.
- ↑ But though by heaven and hell ye swear.—Eg. Ver.
- ↑ Ae e'enin' o' a Mauchline fair.—Eg. Ver.
- ↑ They saw them bare.—Eg. Ver.
- ↑ For ye had.—Eg. Ver.
- ↑ To have, as publicly ye're wyted,
Been clandestinely upward whirlin'.—Eg. Ver. - ↑ That months to come it.—Eg. Ver.
- ↑ And yet ye offer your protest.—Eg. Ver.
- ↑ Ye hae gi'en mony a kytch and kyvil.—Eg. Ver.
- ↑ For clags and clauses there subjoined.—Eg. Ver.
- ↑ That on the 4th o' June incomin'.—Eg. Ver.
- ↑ Ye answer law.—Eg. Ver.