Awa', thou flaunting God o' Day,
Awa', thou pale Diana,
Ilk star gae hide thy twinkling ray
When I'm to meet my Anna.
Come in thy raven plumage, Night,
Sun, moon, and stars withdrawn a'.
And bring an angel pen to write
My raptures wi' my Anna.
POSTSCRIPT BY ANOTHER HAND.
The Kirk and State may join and tell
To do sic things I maunna,
The Kirk and State may gae to h—l,
And I'll gae to my Anna.
She is the sunshine o' my e'e,
To love but her I canna;
Had I on earth but wishes three,
The first should be my Anna.