ANONYMOUS
O she has row'd it in her apron,
And set it on the sea
- Gae sink ye or swim ye, bonny babe,
Ye'se get nae mair o' me.'
Word is to the kitchen gane,
And word is to the ha', And word is to the noble room
Amang the ladies a', That Marie Hamilton 's brought to bed,
And the bonny babe J s miss'd and awa'.
Scarcely had she lain down again,
And scarcely fa'en asleep, When up and started our gude Queen
Just at her bed-feet; Saying 'Marie Hamilton, where 's your babe?
For I am sure I heard it greet.'
- O no, O no, my noble Queen '
Think no sic thing to be, 'Twas but a stitch into my side,
And sair it troubles me' J
'Get up, get up, Marie Hamilton:
Get up and follow me, For I am going to Edinburgh town,
A rich wedding for to see.'
O slowly, slowly rase she up,
And slowly put she on; And slowly rade she out the way
Wi' mony a weary groan.
row'd] rolled, wrapped. greet] cry.
�� �
