chic xrachꜭulchijh. Quereꜭa tok xquilaꜫabeh tinamit chi Yximchee ka mama ri, yxnuꜭahol, mani chi ꜭa xutih labal ꜭeche vinak chirih Cakchiquel vinak, xa xuya chi pe ru vach; he ka mama nabey xoc quiꜫa. Ok xtiho labal chirih ꜭeche vinak cuma ka mama Huntoh Vukubaꜯ, ꜭa laꜫabem ok ronohel ree ꜭizꜭab tinamit pa Chakihya pa Xivanul ka vinakil ꜭa xpe chiri Xechibohoy Xechituh, xavi ꜭa cani xulaꜫabeh can ꜭechevinak ri, cani ꜭa caꜭhob xoquebex vi ꜭechevinak cuma ka mama; ok xcam ri ꜭizꜭab Xechituh cuma ahaua, ok xutoloba can ꜭechevinak ri pa Chakihya pa Xivanul: cani xuxibih ꜭechevinak ok xtiquer labal ok ixcam ri ꜭizꜭab Xechituh cuma ahaua cani xeapon ꜭeche vinak chi la yail Ah Xivanul ah Chakihya ri, ah San Gregorio ah Santo Thomas rubi vacami.
85. Tok xqui hach ꜭa ahaua Huntoh Vukubaꜯ ri vuk amaꜫ nimak achi xtzuku quichin heri Ah Popoya, Ah Pancaꜫ, Ah Holom, Mixcu, Tamyac, ronohel Pokoma: Quereꜭa taꜫah, Ah Yꜯiyule, Ah Xeabah, Ah Çakꜭuchabah, xa e cay chi ahaua xeꜭamo ronohel xa Huntoh, Vukubaꜯ: xepatanih vi vuk amaꜫ nimak achij. He naek cahi ahaua mani qui covil ri e cay ahaua Chuluc Xitamal Queh quibi. Cani navipe xtakex qui ꜫaꜫal ka mama ruma ronohel vuk amaꜫ, ok xlaꜫabex tinamit chi Yximchee; quereꜭa ru chupic ꜫaꜫal ꜭeche ri, quecha can ka tata ka mama, yxnuꜭahol.
Qui camibal ahaua vae.
86. Ha ꜭa nabey ahauh Huntoh xcam, ok xcam chic ahauh Vukubaꜯ. Ka mama tiꜭil chican tinamit ok xecam ahaua.
