Papal Jurisdiction Act 1560

From Wikisource
Jump to: navigation, search
The Papal Jurisdiction Act 1560

Concerning the jurisdictioun and autoritie of the bischope of Rome callit the Paip[1]

In the Parliament haldin at edinburgh the tent day of Julij the yeir of God JmVc&lx yeiris and thairefter continewit to the first day of august nixt thaireftir following with continewatioune of dayis vpoun the tuenty foir day of the said monethe of august The thre estaitis then being present vnderstanding that the Jurisdictioune and autoritie of the bischope of Rome callit the paip vsit within this realme in tymes bipast hes bene verray hurtful and preiudiciall to our soueranis autoritie and commone weill of this realme Thairfoir hes statute and ordanit that the bischope of Rome haif na Jurisdictioun nor autoritie within this realme in tymes cuming And that nane of our saidis soueranis subiectis of this realme sute or desire in ony tyme heireftir title or rycht be the said bischope of Rome or his sait to ony thing within this realme vnder the panis of barratrye That is to say proscriptioune banischement and neuir to bruke honour office nor dignitie within this realme And the controvenaris heirof tobe callit befoir the Justice or his deputis or befoir the lordis of sessioun and pvnist thairfoir conforme to the Lawis of this realme And the furnissaris of thame with fynance of money and purchessaris of thair title of rycht or manteanaris or defendaris of thame sall incur the same panis And that na bischop nor vther prelat of this realme vse ony Jurisdictioun in tymes to cum be the said bischop of Romeis autoritie vnder the pane foirsaid

Wikisource footnotes[edit]

  1. The short title given by the Statute Law Revision (Scotland) Act 1964 (c. 80), Sch. 2

Source[edit]

This work is in the public domain worldwide because the work was created by a public body of the United Kingdom with Crown Status and commercially published before 1964.

See Crown copyright artistic works, Crown copyright non-artistic works and List of Public Bodies with Crown Status.